اكادەميالىق ماسەلەلەر جونىندەگى پرورەكتور ەربول يساقاەۆتىڭ ايتۋىنشا بۇگىندە ۋنيۆەرسيتەتتە 48 وقۋ باعدارلاماسى شەڭبەرىندە ماماندار, 75 ماماندىق نەگىزىندە باكالاۆرلار, ماگيسترلەر, PhD دوكتورلارى ازىرلەنەدى. سوڭعى جۇرگىزىلگەن مونيتورينگ بويىنشا ءبىلىم ساپاسى جاعىنان جوو اراسىندا 13-ءشى ورىندى يەلەنگەن. ەندى وڭىردەگى جوعارى ءبىلىمدى دارىگەرلەر تاپشىلىعىن جويۋ ءۇشىن تىڭ باعدارلامانى جۇزەگە اسىرۋ قولعا الىنباق.
«باعدارلامالىق تىزىمگە تەحنيكالىق عىلىمدار مەن تەحنولوگيا, اۋىل شارۋاشىلىعى عىلىمدارى, الەۋمەتتىك, ەكونوميكا, بيزنەس سالاسى جانە مەديتسينا باعىتىندا 29 ماماندىق كىرگىزىلىپ وتىر. الداعى وقۋ جىلىنان باستاپ مەديتسينالىق ماماندىققا 30 ۇمىتكەر قابىلدانادى. بەس جىل بويى جالپى مەديتسيناعا, قالعان ەكى جىلدا حيرۋرگيا, اكۋشەر-گينەكولوگ, پەدياتر جانە جالپى تاجىريبە دارىگەرلەرىنە ءبولىپ وقىتىلادى», دەيدى ە. يساقاەۆ.
قازىر الدىن الا دايىندىق شارالارى جۇرگىزىلىپ جاتقان كورىنەدى. ول ءۇشىن بىرقاتار ەمدەۋ مەكەمەلەرىمەن ارىپتەستىك مەموراندۋمعا قول قويىلىپتى. 300-500 ميلليون تەڭگەگە قاجەتتى قۇرىلعىلار ساتىپ الىنىپ, كابينەتتەر جابدىقتالماق. وقۋ باستاپقى كەزەڭدە سولتۇستىك قازاقستان مەديتسينالىق كوللەدجىندە جۇرگىزىلەتىن بولسا, كەيىن ۋنيۆەرسيتەت قابىرعاسىنا كوشىرىلەدى.
بولاشاق اق حالاتتى ابجال جاندارعا كىمدەر ءدارىس وقيدى دەگەن ساۋالعا 1 مەديتسينا عىلىمدارىنىڭ دوكتورى, 8 PhD دوكتورى, جەرگىلىكتى بىلىكتى دارىگەرلەر, ۋنيۆەرسيتەتتىڭ الەۋەتى جۇمىلدىرىلاتىنىن جەتكىزدى. جاڭا اشىلاتىن فاكۋلتەتتە ينتەرناتۋرا اشۋ جايى دا ويلاستىرىلعان.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
